Një studim i ri nga The University of Queensland ka zbuluar se çajnikët plastikë mund të lëshojnë miliarda grimca mikroplastike dhe nanoplastike në ujë gjatë përdorimit të parë. Studiuesit zbuluan se gjatë zierjes së parë mund të çlirohen deri në 12 milionë nanopjesëza për mililitër ujë, që do të thotë se një filxhan çaji mund të përmbajë miliarda grimca të padukshme plastike. Edhe pse sasia zvogëlohet me kalimin e kohës, grimcat nuk zhduken plotësisht as pas shumë përdorimesh.
Ekspertët rekomandojnë që të ziejnë çajnikët e rinj plastikë disa herë me ujë para përdorimit të parë dhe ai ujë të hidhet. Sipas studiuesve, përdorimi i ujit të fortë mund të ndihmojë në krijimin e një shtrese mbrojtëse brenda çajnikut, duke ulur çlirimin e grimcave plastike. Shkencëtarët theksojnë se ende nuk dihen plotësisht efektet afatgjata të mikroplastikës në shëndetin e njeriut, ndaj kërkohen më shumë studime.