Viti 2026 në basketbollin e Kosovës do të fillojë fuqishëm me ndeshjet çerekfinale e Kupës.
Përballjet e para do të sjellin emocione të mëdha, me duele interesante.
Sonte do të sfidohen kampionia Trepça dhe ish-kampioni Golden Eagle Ylli.
Duke marrë parasysh rëndësinë e ndeshjes, pritet një përballje mjaft interesante në Mitrovicë, me të dy skuadrat që synojnë fitore, por me koshdallim sa më të lartë.
‘Xehetarët’ janë fitues aktual të Kupës.
Takimi tjetër i ditës së sotme është ndërmjet Borës dhe Rahoveci 029, ku të dy skuadrat synojnë fitoren, por njëkohësisht edhe kalimin në gjysmëfinale.
Ndeshje interesante priten edhe të enjten.
Vëllaznimi – Sigal Prishtina është një takim i barabartë dhe me emocione të mëdha.
Bashkimi – GO+ Peja është dueli kryesor i çerekfinaleve, i skuadrave me traditë dhe që kanë nisur mjaft mirë edicionin, duke u gjendur në pjesën e epërme të renditjes.
Të dy skuadrat do të bëjnë çmos për fitore në ndeshjen e parë, e më pas sigurisht të kualifikohen në gjysmëfinale.
Ndeshjet kthyese çerekfinale do të zhvillohen më 21/22 janar.
Në çerekfinale do të zhvillohen dy ndeshje me sistem vajtje-ardhje dhe skuadra më e mirë nga të dy ndeshjet kualifikohet në gjysmëfinale.