Një kompani kineze synon të sfidojë gjigantët Apple dhe Samsung dhe themeluesi i saj ka zbuluar strategjinë e suksesit. Kompania Nothing, e themeluar pesë vjet më parë nga sipërmarrësi Carl Pei – i njohur gjithashtu si bashkëthemelues i OnePlus- po përpiqet të krijojë identitetin e vet në tregun e telefonave inteligjentë. Ndërsa Apple dhe Samsung mbeten liderë globalë, Pei beson se çelësi qëndron tek gjenerata e re e përdoruesve, të cilët kërkojnë produkte ndryshe nga standardi. Mosha mesatare e përdoruesve të Nothing është vetëm 26 vjeç, krahasuar me përdoruesit e Samsung që kanë rreth 44 vjeç.
Telefonat Nothing dallohet për dizajnin transparent, që lejon të shihet struktura e brendshme e pajisjes, si dhe për sistemin e ndriçimit Glyph Interface – një detaj estetik që i jep markës një identitet unik. Përveç telefonave, kompania prodhon edhe orë dhe kufje inteligjente, ndërsa po punon në pajisje të reja që mund të përdoren në mënyrë të integruar me produktet e Apple. Në një podcast, Pei theksoi se konkurrenca me gjigantët e industrisë është e vështirë, por suksesi qëndron në gjetjen e një rruge origjinale dhe në ndërtimin e një marke që rezonon me brezat e rinj që kërkojnë teknologji funksionale dhe me stil.