Një studim i publikuar në Nature Communications ka treguar se mënyra se si zgjohemi në mëngjes nuk varet vetëm nga gjenet, por edhe nga disa faktorë të stilit të jetesës. Hulumtimi mbi 833 të rritur tregoi se gjumi cilësor, ushqimi dhe aktiviteti fizik ndikojnë drejtpërdrejt në ndjesinë e energjisë pas zgjimit.
Tre faktorët kyç për mëngjese më energjike janë:
· Gjumi më i gjatë dhe më cilësor
· Drekimi me karbohidrate komplekse dhe pak sheqer
· Aktiviteti fizik një ditë më parë
Gjumi i mirë ndihmon trupin të rikuperohet dhe të përmirësojë vigjilencën. Ushqimi i balancuar në mëngjes parandalon rënien e menjëhershme të energjisë gjatë ditës, ndërsa ushtrimet e rregullta ndikojnë në cilësinë e gjumit dhe në nivelin e energjisë ditën tjetër. Ndryshimi i këtyre zakoneve mund të sjellë përmirësime të ndjeshme në humor dhe produktivitet.