Studiues nga Universiteti Anglia Ruskin në Cambridge zbuluan se kur të rriturit shihnin një version të digjitalizuar të fytyrës së tyre që dukej si në fëmijëri, truri reagonte sikur ata ishin sërish fëmijë. Kjo u krijua përmes një videoje të sinkronizuar në kohë reale me lëvizjet e tyre, duke prodhuar iluzionin e një “trupi fëmije”. Pas këtij eksperimenti, pjesëmarrësit kujtuan ngjarje nga fëmijëria me më shumë qartësi, detaje dhe ngarkesë emocionale sesa ata që shihnin pamjen e tyre aktuale.
Ky fenomen lidhet me idenë e kognicionit të mishëruar, që tregon se kujtimet dhe emocionet nuk ekzistojnë vetëm në mendje, por lidhen ngushtë me trupin dhe perceptimin e tij. Kur truri “beson” se trupi është më i ri, aktivizon rrjete nervore të asaj moshe dhe rikthen kujtime të thella të ruajtura. Në të ardhmen, teknika të ngjashme me realitet virtual mund të përdoren për të ndihmuar persona me amnezi, trauma ose çrregullime të kujtesës.