Industria e telefonave inteligjentë mund të hyjë në një epokë të re falë një pajisjeje revolucionare të zhvilluar nga studiues në Universitetin e Kolorados Boulder, Universitetin e Arizonës dhe Laboratorin Kombëtar Sandia. Bëhet fjalë për një lazer fotonik me valë akustike sipërfaqësore (SAW), i cili krijon “tërmete miniaturë” që transmetojnë informacion në frekuenca shumë më të larta se teknologjitë aktuale. Kjo pajisje e vogël vetëm gjysmë milimetri – mund të zëvendësojë disa çipa të veçantë që përdoren sot në telefonat inteligjentë, duke mundësuar pajisje më të holla, më të shpejta dhe me efikasitet shumë më të lartë energjetik.
Në telefonat modernë, SAW-të përdoren për filtrimin e sinjaleve radio, por kërkojnë struktura komplekse me shumë çipa. Pajisja e re i redukton këto në një çip të vetëm, ndërsa arrin frekuenca deri në dhjetëra apo qindra gigahertz, shumë më lart se kufiri 4 GHz i teknologjisë aktuale. E ndërtuar nga silikoni, niobati i litiumit dhe indium-galium-arsenidi, ajo mund të përshpejtojë elektronet në shpejtësi ekstreme, duke hapur rrugën që gjithë komunikimi pa tel i telefonit marrja dhe dërgimi i sinjaleve të kryhet vetëm përmes SAW-ve. Sipas studiuesve, ky inovacion mund të revolucionarizojë mënyrën se si ndërtohen telefonat, duke i bërë ata më të fuqishëm se kurrë dhe më të thjeshtë për t’u prodhuar.