Selena Gomez pa dashje ka shitur unazën e saj ikonike me diamante, me shkronjën “B”, tek disa fansa njëkohësisht. Kjo është e njëjta unazë që ajo publikoi kur konfirmoi lidhjen me Benny Blanco.Ngjarja ndodhi gjatë fushatës promocionale “12 Days of Really Rare Stuff”, ku Selena po shet sende personale për të festuar albumin e saj të ardhshëm “I Said I Love You First”.
Fansat mbetën të habitur kur panë që unaza, me vlerë mbi 3,000 dollarë, ishte në shitje për vetëm 12 dollarë, dhe disa prej tyre e blenë njëkohësisht përpara se të kuptonin se kishte vetëm një të tillë. Sipas burimeve, gabimi ndodhi për shkak të një problemi teknik në faqen e saj. Për të korrigjuar situatën, labeli i këngëtares ka kontaktuar blerësit dhe u ka dërguar dhurata speciale si kompensim. Fushata vazhdon deri më 21 mars, me sende të tjera ekskluzive për fansat.
