Në një intervistë të fundit me AP Entertainment, Samuel L. Jackson deklaroi se nominimet për Oscar nuk janë të rëndësishme për të. Ai mendon se nominimet nuk janë shumë të rëndësishme sepse shumë njerëz nuk i mbajnë mend as fituesit në kategori. Jackson tha se ai “ka qenë në këtë biznes për një kohë të gjatë për të ditur kur njerëzit thonë: “Është një nder të jesh i nominuar”. Jo, është nder të fitosh”.
Filmi më i fundit i Jackson, drama The Piano Lesson, do të shfaqet premierë në Netflix nga 22 nëntori. Filmi zhvillohet në Pitsburg në vitin 1936, pas Depresionit të Madh.