Pas më shumë se tre vitesh nga vdekja tragjike e kineastes Halyna Hutchins gjatë xhirimeve, filmi “Rust” është gati për publikim. Traileri i parë sapo është lansuar, ndërsa premiera do të mbahet më 2 maj në disa kinema dhe platforma digjitale.
Alec Baldwin luan rolin e Harland Rust, një të kërkuari që shpëton nipin e tij nga burgu dhe niset me të drejt Meksikës. Filmi është xhiruar nën regjinë e Joel Souza-s dhe premiera e parë u mbajt në nëntor 2024 në Poloni.
Pavarësisht tragjedisë, përfundimi i filmit ishte dëshirë e vetë Hutchins, theksoi regjisori Souza.