Vitaminat shpesh shihen si të padëmshme, por ekspertët paralajmërojnë se përdorimi i tyre në sasi të mëdha dhe për periudha të gjata mund të shkaktojë më shumë dëm sesa dobi. Një shembull i qartë është vitamina B6, e cila në sasi normale është e rëndësishme për funksionimin e trurit dhe metabolizmin, por kur merret në doza të larta, mund të çojë në dëmtime të nervave. Simptomat e mbidozës përfshijnë mpirje, djegie dhe probleme me ekuilibrin dhe nëse nuk trajtohen me kohë, pasojat mund të bëhen të përhershme.
Ndryshe nga shumë vitamina të tjera të tretshme në ujë, B6 ka prirje të grumbullohet në organizëm, ndaj suplementet duhet përdorur vetëm me këshillën e mjekut. Doza maksimale ditore e sigurt për të rriturit është rreth 100 mg, ndërsa një dietë e balancuar ofron mjaftueshëm për nevojat ditore. Ushqime si bananet, qiqrat, salmoni dhe mishi i pulës janë burime natyrale të sigurta dhe të mjaftueshme të vitaminës B6.