Për të parandaluar qytetarët që të furnizohen me karburant më të lirë në Malajzi, Singapori ka vendosur një rregull të veçantë: makinat e regjistruara në vend nuk mund të dalin nga kufiri nëse rezervuari nuk është të paktën 75% i mbushur. Ky rregull zbatohet për benzinë, naftë dhe gaz të kompresuar, ndërsa shkelësit gjobiten deri në 330 euro dhe detyrohen të kthehen për furnizim.
Megjithëse çmimi i karburantit në Singapor është i krahasueshëm me mesataren evropiane (rreth 1.90 €/litri), në Malajzi është shumë më i ulët (rreth 0.40 €/litri). Kjo masë synon të ndalë “turizmin e karburantit” dhe tregon disiplinën e lartë të shtetit për të ruajtur të ardhurat dhe kontrollin e brendshëm.