Romeo Beckham, djali i David dhe Victoria Beckham, do të bëjë debutimin e tij në aktrim me rolin kryesor në dramën romantike “Forty Love”, duke hapur një kapitull të ri në karrierën e tij pas futbollit dhe modelimit. Filmi ndjek historinë e një tenisti që, në prag të suksesit më të madh, përballet me sfidën më të vështirë – dashurinë.
Filmi drejtohet nga Pierre-Ange Carlotti dhe në kast përfshihen Paul Kircher, Guillaume Canet dhe Catherine Deneuve. Premiera e “Forty Love” është planifikuar për 25 nëntor në Francë, ndërsa Romeo Beckham pritet të tërheqë vëmendjen me paraqitjen e tij të parë në ekranin e madh.