Robbie Williams, një nga emrat më të mëdhenj të pop-it britanik, e nisi rrugëtimin drejt famës që në moshën 16-vjeçare. Gjatë karrierës së tij ka shitur më shumë se 75 milionë albume në mbarë botën dhe ka fituar rekord 18 çmime Brit Awards, duke u quajtur shpesh “djali i keq i pop-it”.
I lindur më 13 shkurt 1974 në Stoke-on-Trent, Britani e Madhe, ai tregoi që në fëmijëri interes për muzikën dhe aktrimin. Në vitin 1990 iu bashkua grupit Take That, ku u bë anëtari më i ri dhe një nga figurat më të njohura të bendit.
Pas largimit nga grupi në vitin 1995, ai nisi karrierën solo. Albumi debutues “Life Thru a Lens” (1997) me hitin legjendar “Angels” e vendosi përfundimisht në skenën ndërkombëtare. Suksesi vazhdoi me albume si “I’ve Been Expecting You”, që përfshinte hitet “Millennium” dhe “She’s the One”.
Williams ka folur hapur për betejat me depresionin, ankthin dhe varësinë, si dhe për sfidat me vetëbesimin, pavarësisht suksesit të jashtëzakonshëm. Ai ka zbuluar gjithashtu se vuan nga disleksia dhe diskalkulia.
Në vitin 2010 u martua me aktoren amerikane Ayda Field, me të cilën ka katër fëmijë.
![Robbie Williams - Feel [Live in Berlin]](https://i.ytimg.com/vi/jcvp-CIvYFA/hqdefault.jpg)