Këngëtarja shqiptare e njohur ndërkombëtarisht, Rita Ora, është befasuar kohët e fundit gjatë një interviste në një radio skoceze kur zbuloi se një nga bashkëpunëtorët ishte gjithashtu shqiptar.
Rita ishte ftuar në emisionin e mëngjesit në Capital FM në Skoci, ku një nga prezantuesit, Fat Brestovci, një shqiptar nga Kosova, e përshëndeti në gjuhën amtare. “Mirëngjesi, Rita, mirë se erdhe në Capital Breakfast”, i tha Fat, ndërsa Rita iu përgjigj menjëherë në shqip, “Mirëmëngjesi”.
Kjo përvojë e bëri Ritën të shprehë habitjen dhe gëzimin e saj. “Është e pabesueshme, më paralajmëruan pak para se të vija. Nuk kam hasur kurrë më parë dikë që vjen nga vendi im dhe flet me theks skocez. Është thjesht mahnitëse”, rrëfeu këngëtarja gjatë intervistës.