Rihanna u ka treguar ndjekësve disa momente nga përditshmëria me vajzën e saj njëvjeçare, Rocki Irish Mayers. Në videot e publikuara, vogëlushja shfaqet me një paruke të gjatë e të madhe, ndërsa përpiqet ta tërheqë me duar. Në një tjetër video, ajo ka vënë shumë skuqës faqesh nga Fenty Beauty teksa qëndron pranë nënës së saj, e cila po përgatitet për grim.
Një nga çastet më gazmore është ai me çantën Louis Vuitton të Rihannës. Rocki e kap çantën dhe nis të qajë sapo e ëma ia largon. Kur Rihanna ia kthen pranë, ajo qetësohet menjëherë dhe fillon ta prekë sërish. Postimi përfshin edhe pamje të Rockit duke përshëndetur kamerën nga krahët e nënës, duke fjetur pranë saj dhe me flokët e mbështjella në bigudina. “Kush më lejoi të kem një vajzë?”, shkroi Rihanna me shaka.
Rocki festoi ditëlindjen e parë më 13 shtator. Ajo është fëmija i tretë i Rihannës dhe reperit A$AP Rocky, të cilët kanë edhe dy djem, RZA dhe Riot. Për ditëlindje, nënë e bijë u veshën me veshje rozë të ngjashme. Rocki është shfaqur gjithashtu përkrah Rihannës në kopertinën e revistës.