“Qëndrimi në pyll”, ose shinrin-yoku, është një praktikë japoneze që nënkupton “zhytjen” me vetëdije në natyrë. Qëndrimi mes gjelbërimit ul stresin, qartëson mendjen dhe përmirëson përqendrimin. Thelbi i saj është të lidhemi me natyrën përmes të gjitha shqisave – të shohim, dëgjojmë, nuhasim dhe ndiejmë, duke qenë plotësisht të pranishëm në moment.
Ekspertët thonë se nuk ka nevojë për të kaluar orë të tëra pyll për të përjetuar efektet pozitive. Mjafton një shëtitje e shkurtër, 15 minuta pranë një peme apo në park, ose krijimi i një ambienti natyror në shtëpi me bimë, fotografi peizazhesh dhe tinguj relaksues. Çelësi është të fikim telefonin dhe të ndalemi nga ritmi i përditshëm, duke i dhënë hapësirë qetësisë që ofron natyra.