Angelina Jolie ka treguar se kishte refuzuar mundësinë për të luajtur në filmin The Aviator të Martin Scorsese, sepse në projekt ishte i përfshirë producenti Harvey Weinstein.
Jolie kishte punuar me Weinstein kur ishte 21 vjeçe në filmin Playing by Heart. Aktorja ka thënë se gjatë asaj periudhe përjetoi një incident me të që e bëri të vendoste të mos bashkëpunonte më me producentin. Ajo gjithashtu tregoi se kishte paralajmëruar njerëzit e afërt që gratë të mos qëndronin vetëm me të. Weinstein i ka mohuar pretendimet e Jolie.
Kur iu ofrua më vonë The Aviator, Jolie tha se e refuzoi pikërisht për shkak të përfshirjes së Weinstein. Ajo ka treguar gjithashtu se u lëndua kur Brad Pitt vazhdoi të punonte në projekte të lidhura me të, çështje për të cilën çifti kishte pasur edhe mosmarrëveshje.