Mbrëmë, Sheshi “Skënderbeu” në Prishtinë u mbush me energji dhe ritëm falë performancës së zjarrtë të këngëtares Arta Bajrami, e cila elektrizoi publikun me një repertor plot hite dhe një prezencë skenike të fuqishme. Atmosfera festive u shoqërua me duartrokitje të pandërprera, duke dëshmuar edhe një herë lidhjen e fortë që artistja ka me admiruesit e saj.
Në një prononcim pas koncertit, Bajrami u shpreh se kjo mbrëmje do t’i mbetet gjatë në kujtesë për shkak të përkrahjes së jashtëzakonshme që mori nga publiku. Ajo gjithashtu zbuloi se është në përgatitje të një projekti të ri muzikor me një grup italian dhe se planet e saj përfshijnë një koncert të madh solistik, duke treguar se ky vit do të jetë një etapë mjaft produktive në karrierën e saj.