Nëse disa muaj pas gripit apo COVID-19 keni vënë re rënie të shtuar të flokëve, nuk jeni të vetmit. Ekspertët thonë se kjo mund të jetë pasojë e një gjendjeje të quajtur telogjen effluvium – një reagim i organizmit ndaj temperaturës së lartë dhe procesit inflamator gjatë sëmundjes.
Sipas dermatologëve, gjatë një infeksioni trupi prodhon molekula inflamatore që prishin ciklin normal të rritjes së flokëve. Si pasojë, një numër më i madh fijesh kalojnë para kohe në fazën e pushimit dhe bien disa muaj më vonë.
Cikli i flokut zgjat disa muaj, prandaj rënia e shtuar zakonisht shfaqet 2–3 muaj pas sëmundjes, gjë që e bën të vështirë lidhjen e drejtpërdrejtë me gripin apo infeksionin e kaluar. Rënia është zakonisht difuze në të gjithë kokën dhe jo në zona të caktuara.
Shumë gra në të 40-at shpesh e lidhin rrallimin me ndryshime hormonale, por specialistët theksojnë se shkaku mund të jetë një sëmundje e kaluar muaj më parë.
Në shumicën e rasteve, flokët fillojnë të rriten sërish sapo organizmi rikuperohet. Rikthimi i volumit mund të zgjasë disa muaj, ndonjëherë deri në një vit.
Megjithatë, nëse rënia vazhdon më shumë se gjashtë muaj ose shoqërohet me lodhje, humbje peshe, çrregullime hormonale apo zona pa flokë, rekomandohet konsultë me mjekun.
Si të ndihmohet rikuperimi?, ekspertët këshillojnë:
Ushqim të pasur me proteina, marrje të vitaminave B12 dhe D, zink dhe folat, konsultë për trajtime si minoksidili apo PRP, nëse është e nevojshme