Pas rolit të saj si Maria Callas, Angelina Jolie rikthehet në ekran me filmin e ri Coutures, nën regjinë e francezes Alice Winocour. Premiera në kinematë franceze pritet në shkurt.
Ngjarja zhvillohet në Paris, gjatë Javës së Modës. Jolie luan Maxine Walker, një regjisore që ndërthuret me historinë e një modeleje të re nga Sudani i Jugut, në hapat e parë të karrierës së saj në botën e modës. Në kast janë edhe Louis Garrel, Ella Rumpf, Garance Marillier dhe Finnegan Oldfield.
Filmi prodhohet nga Pathé Films dhe xhirohet në frëngjisht e anglisht, duke sjellë portrete femrash dhe histori të ndërthurura në një Paris energjik dhe modern.