Paris Jackson ka folur hapur për nëntë seancat e terapisë me elektroshok që mori gjatë tri javëve, pas një krize të rëndë të shëndetit mendor. Vajza e Michael Jackson tregoi se pas trajtimit të parë përjetoi dhimbje të forta në kokë, ndërsa gjatë kësaj periudhe u përball edhe me humbje të kujtesës.
Sipas saj, miqtë e vizituan gjatë trajtimit, por ajo nuk i kujton bisedat me ta. Jackson pranoi se terapia pati efekt, por nuk e konsideroi të qëndrueshme mundësinë e vazhdimit të saj çdo muaj. Terapia me elektroshok përdoret nën mbikëqyrje mjekësore për disa çrregullime të rënda mendore, përfshirë depresionin që nuk reagon ndaj trajtimeve të tjera.