Pamela Anderson u ka dhuruar fansave një pamje të rrallë nga kopshti i saj në pronën familjare në ishullin Vancouver, Kanada. Në një video të publikuar në Instagram, aktorja shfaqet duke shëtitur mes luleve shumëngjyrëshe, lulediellëve gjigantë dhe perimeve që kultivon vetë, ndërsa e përshëndet ditën me fjalët: “Mirëmëngjes nga kopshti.”
Ylli i “Baywatch” është rikthyer prej vitesh në vendlindjen e saj, ku ka restauruar pronën e gjyshërve dhe ka përqafuar një stil jetese më të qetë, larg ritmit të Hollywood-it. Kopshti i saj është kthyer në një nga vendet më të dashura për ndjekësit në rrjetet sociale.