Organizata Botërore e Shëndetësisë lëshoi paralajmërime në dhjetor 2022 pas një rritjeje të infeksioneve me Streptokoke A.
Një baktere vdekjeprurëse mishngrënëse po përhapet me një ritëm rekord në Japoni, me epiqendër në kryeqytetin Tokio.
Japonia ka raportuar 977 raste të sindromës së shokut toksik streptokoksik (STSS) këtë vit, duke tejkaluar rekordin e vitit të kaluar prej 941 infeksionesh.
Gjendja shkaktohet nga një manifestim i pazakontë i baktereve streptokoku A. Midis 5 deri 20 % e të rriturve të shëndetshëm janë të infektuar latente me të dhe bakteri nuk shfaq asnjë simptomë. Megjithatë, mund të zhvillohen në një sërë sëmundjesh, nga bajamet, impetigo deri te pneumonia.
Në disa raste, mund të bëhet invazive. Më pas nga prerjet dhe plagët depërton thellë në inde dhe muskuj dhe shkakton fascit nekrotizues, prandaj quhet “sëmundje mishngrënëse”.
Simptomat fillestare janë ethe dhe dhimbje muskujsh, të ndjekura nga presioni i ulët i gjakut. Dështimi i organeve dhe shoku septik mund të ndodhin brenda 48 orëve, dhe nëse nuk trajtohet me antibiotikë në kohë, gjendja mund të jetë fatale. Tokio regjistroi 145 raste në gjysmën e parë të vitit. Shumica e të infektuarve janë mbi 30 vjeç dhe shkalla e vdekshmërisë është rreth 30%.
Organizata Botërore e Shëndetësisë lëshoi paralajmërime në dhjetor 2022 pas një rritjeje të infeksioneve streptokoksike A në Britani, Francë, Irlandë, Holandë dhe Suedi. Në atë kohë, shumica e rasteve përfshinin fëmijë.
