Filmi kinez i animuar “Nezha 2” ka tejkaluar “Inside Out 2” të Pixar, duke u bërë filmi i animuar me fitimet më të larta ndonjëherë.
Me një arkëtim prej 12.3 miliardë juanë (rreth 1.69 miliardë dollarë), Nezha 2 renditet gjithashtu si filmi i tetë më fitimprurës në botë. Rreth 99% e kësaj shume vjen nga Kina kontinentale, ndryshe nga filmat e Hollywood që mbështeten në distribucion global.
Filmi është vazhdim i suksesit Nezha (2019) dhe bazohet në një roman kinez të shekullit 16, që rrëfen historinë e një djali me fuqi magjike dhe aftësi të jashtëzakonshme luftarake, i cili mbron qytetin Çentangguan. Regjisor i filmit është Jang Ju, i njohur edhe si Jiaozi.