Netflix ka publikuar trailerin zyrtar për dokumentarin e shumëpritur “Titan: OceanGate Disaster”, i cili trajton tragjedinë që tronditi botën në qershor të vitit 2023. Në qendër të ngjarjes ishte nëndetësja Titan, e kompanisë OceanGate, e cila u zhduk gjatë një misioni për të eksploruar rrënojat e Titanikut në thellësitë e Oqeanit Atlantik.
Dokumentari sjell pamje të rralla dhe dëshmi për fatkeqësinë që ndodhi kur nëndetësja u shkatërrua, për shkak të presionit të madh dhe dështimit strukturor. Pesë personat në bord humbën jetën menjëherë. Filmi heton gjithashtu karakterin dhe ambiciet e CEO-së së OceanGate, Stockton Rush dhe e vendos tragjedinë në kontekstin e garës mes miliarderëve për pushtimin e thellësive të oqeanit. Dokumentari publikohet më 11 qershor.