Netflix ka publikuar trailerin e parë të thrillerit psikologjik “The Whisper Man”, i bazuar në romanin bestseller të Alex North, i cili ka fituar popullaritet të madh falë kombinimit të thrillerit psikologjik, dramës familjare dhe elementeve të horrorit.
Filmi ndjek historinë e një shkrimtari të romaneve kriminalistike, djali tetëvjeçar i të cilit rrëmbehet. Në përpjekje të dëshpëruar për ta gjetur, ai detyrohet të kërkojë ndihmën e babait të tij të larguar, një ish-detektiv policie në pension.
Gjatë hetimeve, ata zbulojnë një lidhje të frikshme me një vrasës serial të njohur si “The Whisper Man”, i dënuar dekada më parë, por historia e të cilit vazhdon të përndjekë qytetin.
Filmi është drejtuar nga James Ashcroft, ndërsa në rolet kryesore interpretojnë Robert De Niro, Michelle Monaghan, Adam Scott, Michael Keaton, John Carroll Lynch, Hamish Linklater dhe Owen Teague.
“The Whisper Man” është prodhuar nga studioja AGBO e vëllezërve Russo, e njohur për filma si “The Gray Man” dhe produksione të universit Marvel.
Bazuar në suksesin e romanit dhe pamjet e para nga traileri, “The Whisper Man” konsiderohet një nga premierat më të pritura të Netflix këtë vit, me një histori plot mister, tension dhe kthesa të papritura.