Netflix ka nënshkruar një marrëveshje prej 72 miliardë dollarësh për të blerë Warner Bros. Discovery, duke marrë nën kontroll HBO Max, të drejtat e Harry Potter, DC Comics, si dhe serialet kult si Friends, etj
Marrëveshja, me vlerë totale rreth 82,7 miliardë dollarë, pritet të finalizohet në vitin 2026 dhe përfaqëson akvizimin më të madh në historinë e Netflix-it. Konkurrentët, përfshirë Paramount, e kanë kritikuar procesin, ndërsa rregullatorët në SHBA dhe Evropë pritet të shqyrtojnë çështje të mundshme antimonopol.
Nëse miratohet, Netflix dhe Warner do të kenë së bashku rreth 450 milionë abonentë globalisht. Netflix ka ofruar një tarifë prej 5 miliardë dollarësh nëse marrëveshja refuzohet.