Ikona e filmave aksion dhe ylli i serialit “Walker, Texas Ranger”, Chuck Norris, ka ndërruar jetë në moshën 86-vjeçare. Lajmi u konfirmua nga familja e tij, e cila bëri të ditur se ai u nda nga jeta i rrethuar nga njerëzit më të afërt, duke lënë pas një trashëgimi të madhe në industrinë e filmit dhe artit marcial.
Vetëm një ditë para vdekjes, aktori ishte shtruar në spital në Hawaii pas një problemi shëndetësor, ndërsa detajet e sakta mbi shkakun nuk janë bërë publike. Familja e përshkroi atë si një njeri me besim, disiplinë dhe dashuri të madhe për familjen, duke theksuar ndikimin që ai pati tek miliona fansa në mbarë botën.
Chuck Norris ishte një nga figurat më ikonike të kinemasë aksion, i njohur për rolet e tij në filma dhe seriale të suksesshme, si dhe për karrierën e tij të gjatë në artet marciale, duke mbetur simbol i forcës dhe disiplinës për dekada.