Ylli i TikTok, Kyle Marisa Roth, e njohur për komentet e saj të sinqerta per yjet e Hollywood-it, ndërroi jetë në mënyrë tragjike javën e kaluar, duke lënë fansat e saj të habitur. Lajmin e ka bërë të ditur motra e saj, Lindsay Roth në Instagram, duke thënë se shkaku i vdekjes mbetet i panjohur.
Familja e Kyle është e tronditur nga humbja dhe vlerëson mbështetjen e madhe nga miqtë dhe fansat. Nëna e saj, Jacquie, ndau një mesazh të përzemërt në LinkedIn, duke kërkuar mirëkuptim gjatë kësaj kohe të vështirë. Gjuha e mprehtë e Kyle në TikTok mblodhi një numër të madh ndjekësish dhe vdekja e saj e papritur ka lënë një boshllëk në komunitetin online.
