Carl Dean, bashkëshorti i këngëtares së njohur Dolly Parton, u nda nga jeta të hënën në moshën 82-vjeçare. Ata ishin së bashku për gati 60 vite, duke mbajtur martesën e tyre larg syrit të publikut, pavarësisht famës së madhe të Parton.
“Carl dhe unë kaluam shumë vite të mrekullueshme së bashku. Nuk ka fjalë për të përshkruar dashurinë tonë që zgjati më shumë se 60 vite,” shkroi këngëtarja në rrjetet sociale.
Ata u njohën në vitin 1964, në ditën e parë të Dolly-t në Nashville, dhe u martuan dy vite më vonë në një ceremoni private. Dean zgjodhi gjithmonë të qëndronte larg kamerave, duke e mbajtur jetën e tyre sa më private. “Na pëlqen jeta e thjeshtë në kamperin tonë. Unë e dua gatimin, leximin dhe kohën me bashkëshortin tim,” kishte thënë Dolly.
