Aktori dhe stuntmani amerikan Ed Gale, i njohur për rolet e tij në filmat “Child’s Play” dhe “Howard the Duck”, ka ndërruar jetë në moshën 61-vjeçare në Los Angeles. Lajmin e konfirmoi mbesa e tij, e cila shkroi me dhimbje se Ed kishte shkuar në Kaliforni në moshë të re me vetëm 41 dollarë dhe një ëndërr, duke ndërtuar një karrierë me mbi 130 role në filma dhe seriale. I lindur me nanizëm më 1963 në Michigan, ai e filloi karrierën si personazhi i Marvel-it në “Howard the Duck”.
Ai u bë i njohur veçanërisht si trupi fizik i Chucky-t në filmat horror “Child’s Play”, si dhe për paraqitjet në “The Polar Express”, “Spaceballs”, “Sabrina the Teenage Witch” dhe shumë projekte të tjera. Familjarët e kujtuan si njeri me shumë humor, që i donte hot dogët me shumë ketchup, që tregonte histori me pasion dhe që e quante veten “xhaxhai gazmor”.