Një gjyqtar federal në SHBA ka hedhur poshtë padinë e ngritur nga xAI, duke konkluduar se kompania nuk arriti të dëshmojë se konkurrenti kishte orkestruar vjedhjen e sekreteve tregtare. Vendimi i gjykatës vjen pasi u vlerësua se, pavarësisht pretendimeve për rekrutim agresiv dhe shkarkim materialesh konfidenciale nga disa ish-punonjës të xAI, nuk kishte prova që OpenAI i kishte kërkuar, përdorur apo përfituar nga këto informacione. Ky parim – se punësimi i një punonjësi të një konkurrenti nuk përbën automatikisht vjedhje sekretesh ishte vendimtar në rrëzimin e padisë.
Gjykata theksoi se xAI mund të ketë bazë për padi ndaj individëve që kanë marrë materiale të ndaluara, por jo ndaj OpenAI, pasi nuk u provua përdorim apo kërkesë e ndonjë sekreti tregtar nga ana e kompanisë. Edhe rasti më serioz, ai i një inxhinieri që shkarkoi të gjithë kodin burimor të xAI nuk u konsiderua provë kundër OpenAI, pasi inxhinieri nuk punoi asnjëherë aty. Me vendimin e ri, xAI ka mundësi të riformulojë padinë deri më 17 mars, por pa shtuar prova të reja apo palë të tjera, duke e bërë këtë betejë ligjore dukshëm më të vështirë për kompaninë.