Motrat e famshme Kim Kardashian dhe Khloé Kardashian kanë qenë ndër figurat më të komentuara gjatë fundjavës në Monako. Ato u panë në paddock-un e garës prestigjioze të Formula 1, ku ndoqën nga afër zhvillimet e Çmimit të Madh të Monakos dhe u fotografuan në shoqërinë e pilotit britanik Lewis Hamilton.
Me paraqitjen e tyre elegante dhe praninë në një nga ngjarjet më të rëndësishme sportive të vitit, Kim dhe Khloé tërhoqën vëmendjen e mediave dhe fansave. Vizita e tyre në Monako vjen në kuadër të angazhimeve të shumta publike të familjes Kardashian, e cila vazhdon të mbetet ndër emrat më të ndjekur në botën e showbiz-it dhe rrjeteve sociale.