Ekspertët paralajmërojnë se krehja e flokëve të lagura mund të shkaktojë dëmtime të përhershme në strukturën e tyre. Kur flokët janë të lagur, kutikulat hapen dhe proteina e brendshme dobësohet, duke i bërë më të ndjeshëm ndaj thyerjes. Sipas dr. Mehmet Erdoğan, edhe pse flokët e lagur mund të duken më elastikë, zgjatja e tyre në këtë gjendje shkakton dëmtime molekulare afatgjata. Kjo vlen veçanërisht për flokët e hollë ose të trajtuar kimikisht, të cilët janë më të brishtë për shkak të strukturës së ndryshuar.
Për të shmangur dëmtimet, rekomandohet përdorimi i një krihëri me dhëmbë të gjerë ose një furçe të butë, gjithmonë duke filluar nga fundi dhe duke u ngjitur gradualisht lart. Përdorimi i produkteve zbutëse si sprej hidratues ose balsam pa shpëlarje ndihmon në zbërthimin më të lehtë të flokëve. Po ashtu, është mirë që flokët të thahen pjesërisht para se të krihen dhe të shmanget përdorimi i nxehtësisë mbi flokë të lagur, për të ruajtur shëndetin dhe forcën e tyre natyrale.