Mjekja britanike Hannah Cain, e njohur profesionalisht si Hannah Terry, është gjetur e vdekur në shtëpinë e saj në Dersingham, Norfolk, pranë rezidencës mbretërore Sandringham. Bashkëshorti i saj, Mark Cain, 45 vjeç, është akuzuar për vrasjen e saj. Prokuroria britanike konfirmoi ngritjen e akuzës më 6 tetor, ndërsa seanca e parë gjyqësore u caktua për 7 tetor.
Sipas raportimeve mediatike, mjekja kishte trajtuar anëtarë të familjes mbretërore, përfshirë mbretëreshën Camilla, por kjo lidhje nuk është konfirmuar nga policia apo prokuroria. Hannah punonte në qendrën mjekësore Grimston, e cila u mbyll përkohësisht pas vdekjes së saj. Familja po mbështetet nga oficerë të specializuar dhe ka kërkuar privatësi.