Millie Bobby Brown dhe bashkëshorti i saj, Jake Bongiovi, kanë publikuar fotografinë e parë të fëmijës së tyre të dytë. Në imazhin e shpërndarë në Instagram shihen duart e çiftit duke mbajtur dorën e foshnjës, krahas mbishkrimit: “Përshëndetje, vogëlush!”
Postimi duket se konfirmon se çifti ka birësuar një djalë. Aktorja 22-vjeçare dhe bashkëshorti i saj 24-vjeçar janë tashmë prindër të një vajze, të cilën e birësuan në gusht të vitit 2025.
Çifti vazhdon ta mbrojë me kujdes privatësinë e fëmijëve. Ata nuk kanë zbuluar emrat apo fytyrat e tyre, duke theksuar se fëmijët duhet të vendosin vetë në të ardhmen nëse dëshirojnë të bëhen pjesë e jetës publike.