Melanie Griffith ka tërhequr vëmendjen me fotografitë e publikuara gjatë qëndrimit në një qendër luksoze shëndetësore në Austri. Aktorja 69-vjeçare u shfaq e relaksuar dhe në formë të shkëlqyer.
Ajo tregoi se kishte kaluar disa javë në qendrën VIVAMAYR Maria Wörth, pranë liqenit Wörthersee.
Aktorja ndoqi një program detoksifikimi dhe mirëqenieje të mbikëqyrur nga mjekët, i cili përfshinte ushqim të kujdesshëm, aktivitet fizik dhe rigjenerim. Griffith tha se kjo përvojë i dha mundësinë të rimbushte energjitë, të pushonte dhe të kujdesej për shëndetin e saj.