Në mesin e viteve ’90, përpara se të shndërrohej në një nga emrat më të mëdhenj të Hollywood-it, Matt Damon mori një ofertë prej 250 mijë dollarësh për të luajtur në filmin western “The Quick and the Dead”, me regji të Sam Raimi. Megjithatë, ai vendosi ta refuzonte rolin.
Në atë periudhë, Damon besonte se filmat komercialë nuk do ta ndihmonin të ndërtonte karrierën afatgjatë që synonte. “Dua një karrierë si ajo e Robert Duvall. Nuk mendoj se ndjekja e filmave të tillë të çon drejt një karriere 40-vjeçare. Më mirë të jem pa para”, kishte deklaruar ai.
Pas refuzimit të tij, roli i personazhit “The Kid” iu besua një aktori të ri në ngjitje, Leonardo DiCaprios, i cili u shfaq në ekran përkrah Sharon Stone, Gene Hackman dhe Russell Crowe.
Edhe pse “The Quick and the Dead” nuk pati sukses të madh në kinema pas publikimit në vitin 1995, me kalimin e kohës fitoi statusin e një filmi kult dhe sot konsiderohet një nga westernët më të veçantë të asaj dekade.
Pavarësisht këtij vendimi, karriera e Matt Damonit mori një kthesë të jashtëzakonshme. Vetëm pak vite më vonë, ai dhe Ben Affleck fituan çmimin Oscar për skenarin më të mirë origjinal me filmin “Good Will Hunting”, duke e vendosur Damonin mes aktorëve më të suksesshëm të Hollywood-it.