Punch, majmuni japonez që preku zemrat e miliona njerëzve pasi u braktis nga e ëma dhe gjeti ngushëllim te një lodër prej pelushi, ka festuar ditëlindjen e tij të parë me një surprizë të veçantë. Kopshti zoologjik Ichikawa City Zoo në Japoni bëri të ditur se ai mori më shumë se 2.500 kartolina urimi nga admirues nga e gjithë bota, të cilat do të ekspozohen deri në fund të muajit.
Gjatë vitit të fundit, Punch ka bërë përparim të madh në përshtatjen me tufën e rreth 60 majmunëve, ndërsa kujdestarët thonë se ai tashmë është shumë më i pavarur dhe përdor lodrën e tij vetëm kur fle. Historia e tij është kthyer në simbol të shpresës dhe qëndrueshmërisë, duke frymëzuar mijëra njerëz në mbarë botën.