Madonna ka bërë publik një incident të pazakontë pas paraqitjes së saj surprizë në festivalin Coachella, ku performoi së bashku me Sabrina Carpenter. Këngëtarja ka zbuluar se disa nga veshjet e saj vintage, të marra nga arkivi personal, janë zhdukur menjëherë pas performancës. Mes tyre ndodhen një xhaketë, korse, fustan dhe pjesë të tjera me vlerë të madhe emocionale dhe historike për të.
Ajo ka reaguar publikisht duke kërkuar ndihmën e fansave dhe duke ofruar shpërblim për kthimin e tyre, duke theksuar se këto nuk janë thjesht rroba, por pjesë e historisë së saj artistike. Ndërkohë, disa raportime sugjerojnë se veshjet mund të jenë humbur gjatë transportit dhe jo domosdoshmërisht të jenë vjedhur, por rasti mbetet ende i paqartë.