Aktori Macaulay Culkin ka treguar se ndjen një “peng të madh” pas vdekjes së koleges së tij të njohur, Catherine O’Hara, e cila luajti rolin e nënës së tij në filmat kult “Home Alone”. Në një intervistë të fundit, Culkin tha se ndjeu sikur mes tyre kishte mbetur “diçka e papërfunduar” dhe se do të dëshironte të kishte kaluar më shumë kohë me të para ndarjes së saj nga jeta.
Catherine O’Hara ndërroi jetë në janar të këtij viti në moshën 71-vjeçare. Pas lajmit të trishtë, Culkin publikoi edhe një mesazh emocional në rrjetet sociale, duke kujtuar marrëdhënien e tyre të afërt gjatë xhirimeve të filmave që shënuan historinë e kinemasë familjare. Aktori tha se humbja e saj e preku shumë, duke e quajtur “shumë të hershme”.