Autoritetet holandeze të zbatimit të ligjit kanë ndëshkuar filialin e markës së njohur të modës Louis Vuitton me një gjobë prej 500,000 eurosh për shkelje të rregullave kundër pastrimit të parave.
Hetimi, i kryer nga autoritetet financiare dhe agjencitë e sigurisë, zbuloi se degës së Louis Vuitton në Holandë i munguan procedurat e duhura për verifikimin e klientëve dhe monitorimin e transaksioneve financiare. Sipas njoftimeve, kjo i ka lejuar individë ose grupe të dyshimta të përdorin shërbimet e firmës për të fshehur origjinën e parave të fituara në mënyrë të paligjshme.
Gjobëzimi është pjesë e një lëvizjeje më të gjerë të autoriteteve holandeze për të forcuar luftën kundër krimit financiar dhe për të rritur përgjegjësinë e bizneseve për të zbatuar praktikat e duhura të anti-money laundering.