Leonardo DiCaprio ka punuar me shumë prej emrave më të mëdhenj të Hollywood-it, por njëri prej tyre i ka mbetur veçanërisht në kujtesë – Jack Nicholson.
Dy aktorët luajtën së bashku në filmin e Martin Scorsese, “The Departed” të vitit 2006, ku Nicholson interpretonte gangsterin Frank Costello, ndërsa DiCaprio një polic të infiltruar në organizatën kriminale.
DiCaprio ka treguar se gjatë xhirimeve nuk e dinte gjithmonë se çfarë do të bënte Nicholson në skenën e radhës.
“Prisnim të papriturën. Kishte disa skena ku nuk e kisha idenë se çfarë do të ndodhte”, ka kujtuar ai.
Në një rast, një pjesëtar i ekipit madje e paralajmëroi DiCaprion të kishte kujdes, pasi Nicholson kishte përgatitur për skenën një fikës zjarri, armë, shkrepëse dhe një shishe uiski. Kjo paparashikueshmëri, sipas DiCaprios, e ndihmoi atë të përjetonte edhe më bindshëm tensionin e personazhit të tij.
Përvoja me legjendën e Hollywood-it i ka mbetur gjatë në kujtesë: “Ka disa kujtime që nuk do t’i harroj kurrë”, është shprehur DiCaprio.