Leon Thomas ka treguar se turneu me Bruno Mars dhe Anderson .Paak i ka ndryshuar mënyrën se si e sheh performancën live. Gjatë një interviste në Lollapalooza, 33-vjeçari tha se pas performancave të tij shkonte pranë inxhinierit të zërit për të parë koncertet e tyre dhe për të mbajtur shënime.
Thomas u impresionua veçanërisht nga perfeksionizmi i Bruno Mars, duke treguar se e kishte parë atë të përsëriste një këngë deri në 20 herë gjatë provave të zërit vetëm për të rregulluar detajet më të vogla.
Ai tha se nga Mars mësoi edhe si të përdorë lëvizje më të mëdha në skenë dhe si të krijojë lidhje me publikun në stadiume të mbushura me mijëra njerëz. Dy artistët kanë biseduar gjithashtu për admirimin e tyre të përbashkët për Prince, të cilin Thomas e konsideron standardin më të lartë të performancës skenike.