Një grup të rinjsh francezë është kritikuar ashpër për përdorimin e një imazhi të aksidentit me veturë të Princeshës Diana në një reklamë online. Kompania ADMD ndau një poster në rrjetet sociale që rikrijoi skenën e tmerrshme në një tunel në Paris në gushtin e vitit 1997. Ky veprim ka shkaktuar një valë zemërimi te fansat.
Mbi imazhin e një veture të shkatërruar shkruhet: “Ajo nuk zgjodhi vdekjen e saj… në vitin 2024, ne duhet të kemi zgjedhjen”. Imazhi u postua të enjten në rrjetin social X (Twitter), dhe më pas është hequr nga aty. ADMD kishte planifikuar gjithashtu të paraqiste vdekjen e Jeanne d’Arc me një turrë djegëse, si dhe të yllit pop Claude François që u elektrokutua në një banjë ndërsa ndryshonte një llambë. Grupi më vonë kërkoi ndjesë për zgjedhjen e imazheve.
