Sipas ekspertëve, kripa duhet shtuar që në fillim të gatimit, jo vetëm në fund, pasi nxehtësia e ndihmon të depërtojë thellë në ushqim, duke e bërë më të lëngshëm dhe me shije më të pasur. Shefat profesionistë e shtojnë kripën gradualisht gjatë gatimit, për të ndërtuar shijen hap pas hapi dhe për të lejuar që përbërësit të bashkohen më mirë.
Për mishin, kriposja të paktën 30 minuta para pjekjes e bën më të butë dhe ndihmon në formimin e një kore krokante, ndërsa uji për makaronat duhet kriposur mirë që në fillim. Përjashtim bëjnë skuqjet e thella dhe disa perime si kërpudhat apo patëllxhani, që është më mirë të kriposen në fund për të shmangur lagështinë e tepërt.