Kitara e Kurt Cobain, kryetarit të “Nirvana”, u shit për një çmim të lartë prej 1.45 milionë eurosh. Kjo kitare elektrike e njohur si ‘Skystang I Fender Mustang’, e cila u përdor gjatë turneut të fundit të Cobain, shkëlqeu në skenë dhe arriti të tërheqë vëmendjen e shumë koleksionistëve të pasionuar.
Përveç kitares, xhinset e grisura të përdorura nga Cobain në videoklipin e këngës “Heart-Shaped Box” dhe në ceremoninë e MTV Video Music Awards, u shiten për më shumë se 400 mijë euro. Këto objekte u bënë pjesë e historisë së muzikës dhe kanë vlerë simbolike për fansat dhe koleksionistët e muzikës rock.
Në përgjithësi, ankandi përfshinte më shumë se një mijë artikuj të ndryshëm nga ikonat e muzikës, duke përfshirë artistë të tjerë të njohur si Eric Clapton, Elvis Presley, Prince, The Beatles dhe Frank Zappa. Një pjesë e madhe e artikujve të tjerë ishin gjithashtu të kërkuar dhe të vlerësuar nga koleksionistët për vlerën e tyre historike dhe artistike.
