Kevin Bacon është një nga aktorët që ka treguar shpesh sa i gjithanshëm është, me role nga drama serioze si Apollo 13 deri tek personazhe negativë në X-Men: First Class. Megjithatë, një prej roleve të tij më të njohura, ai në filmin horror të vitit 1990 Tremors, për ve-të aktorin ishte momenti më i ulët i karrierës së tij në atë kohë. Ai pranoi se rolin e kishte marrë me hezitim, pasi ishte në vështirësi financiare, me bashkëshorten shtatzënë dhe nënën e sëmurë.
Ironikisht, filmi që e konsideronte si një hap prapa, rezultoi të ishte pikë kthese. Tremors fitoi statusin e një filmi kulti dhe i hapi rrugën rikthimit të tij në role të rëndësishme, përfshirë atë në JFK vetëm një vit më vonë. Më vonë, Bacon ndryshoi mendim për filmin, duke lavdëruar efektet praktike dhe bashkëpunimin me kolegun Fred Ward, duke e cilësuar përvojën si të paharrueshme.