Katy Perry ka treguar me humor se vajza e saj 6-vjeçare, Daisy Dove, ka filluar të këndojë disa prej hiteve të vjetra të nënës së saj. Por një varg nga kënga “The One That Got Away” e ka bërë këngëtaren të reagojë menjëherë.
Daisy po këndonte pjesën ku përmendet marrja fshehurazi e alkoolit të prindërve dhe ngjitja në çati, ndërsa më pas i tha nënës se do ta bënte edhe ajo kur të rritej. Perry ia preu menjëherë me shaka idenë, duke i thënë se kjo nuk do të ndodhte.
Këngëtarja, e cila e ka Daisy-n me ish-partnerin Orlando Bloom, tregoi gjithashtu se vajza e tyre është shumë e guximshme, e drejtpërdrejtë dhe pothuajse nuk ka frikë nga asgjë. Sipas saj, Daisy ka trashëguar tipare nga të dy prindërit.