Këngëtarja e njohur Katy Perry dhe ish-kryeministri kanadez Justin Trudeau kanë bërë debutimin e tyre të parë zyrtar si çift në tapetin e kuq.
Dyshja u shfaqën së bashku në premierën e dokumentarit koncertal “Katy Perry: The Lifetimes Tour – Live from Paris” në kuadër të Tribeca Festival në Nju Jork, duke konfirmuar publikisht romancën e tyre. Perry shkëlqeu me një fustan elegant të bardhë, ndërsa Trudeau u paraqit me smoking klasik, teksa nuk munguan momentet e afërsisë dhe buzëqeshjet para fotografëve.
Thashethemet për lidhjen e tyre nisën në verën e vitit 2025, kur u panë së bashku në Montreal. Që atëherë, ata janë shfaqur në disa aktivitete publike, ndërsa raportet mediatike tregojnë se marrëdhënia e tyre është bërë gjithnjë e më serioze.
Sipas mediave amerikane, Perry dhe Trudeau kanë prezantuar tashmë fëmijët e tyre me njëri-tjetrin dhe vazhdojnë të gjejnë kohë për lidhjen e tyre pavarësisht angazhimeve të shumta profesionale. Debutimi në tapetin e kuq konsiderohet si një hap i rëndësishëm në marrëdhënien e çiftit, i cili po tërheq vëmendje të madhe në botën e showbiz-it dhe politikës.
